Mugirekin bizikletak doitzeko doako tailerra asteartean
Europako Mugikortasunaren Astearen barruan doako zerbitzuak eskainiko ditu aldundiaren Jasangarritasun eta Mugikortasun, zein Turismo eta Lurralde Antolaketako departamentuek antolatutako iniziatibaren bidez.
Gipuzkoako Foru Aldundia da iniziatibaren bultzatzailea. Europako Mugikortasunaren Astearekin bat egin dute aldundiaren Jasangarritasun eta Mugikortasun, zein Turismo eta Lurralde Antolaketako departamentuek, eta horren harira Jarri bizikleta prest Mugirekin iniziatiba antolatu dute. Asteartean izango da Errenteria-Oreretan, eta bizikletak konpontzeko doako zerbitzuak eskainiko dizkie Mugi pertsonalizatuen erabiltzaileei.
Garraiobide iraunkorragoak erabiltzeak osasun publikoarentzat zein ingurumenarentzat dituen onurez kontzientziatzea du helburu Mugikortasunaren Europako Asteak.
Astearte arratsaldean furgoneta tailer bat bizikleten oinarrizko konponketa zerbitzua eskainiko die Mugi pertsonalizatua aurkezten duten pertsonei. Zumardian izango da furgoneta hori, zerbitzuak doakoak izango dira eta ordutegia, berriz, honakoa: 16:00etatik 20:00etara.
Errenteria-Oreretako Khubikes dendak —Nafarroa hiribidea 30-943 34 41 58—dendak bat egin du kanpainarekin, eta bizikletak doitzeko zerbitzua eskainiko die halaber, Mugiren erabiltzaileei. Iniziatibaren bidez, matxura txikiengatik erretiratuta dituzten bizikletak erabiltzera animatu nahi dituzte herritarrak, “beste garraiobide batzuk, batez ere ibilgailu pribatua, baztertzera animatu nahi ditugu herritarrak, halaber”.
Sariak ere izango dituzte parte hartzaileetako batzuk. Dendetan eta tailerretan eskura izango diren kupoiak bete beharko dituzte horretarako. Parte hartzaileen artean bi bizikleta, eta 50 euroko bi bonu zozkatuko dituzte atxikitako dendetan bizikleten materiala erosteko. Mugi txartelaren 20 euroko 60 birkarga zozkatuko dituzte.
