San Pedro Txikiak, ate joka
Ostiralean hasi eta igandean bukatuko dira San Pedroko festa txikiak. Osotara 24 ekitaldiko menua prestatu du Jai Batzordeak.
Hilaren 29an, igandearekin, egingo dute patata tortilla txapelketa. Argazkia: San Pedroko Jai Batzordea. Ekaineko San Pedroko festa handien lekukoa hartuko dute asteburuan San Pedro Txikiek. Jai batzordeak egitaraua landu, eta jada jendartean zabaldu du. Osotara 24 ekitaldi prestatu dituzte adin guztietako sanpedrotarrei nahiz bisitariei begirakoak. Beheko zerrendan ikus daitezke jarduera horiek guztiak.
Batzordekideek hainbat ohar helarazi nahi izan dituzte. Batek eguraldiarekin du harremana: euria egingo balu, Herriko Plazako ekitaldiak Proisara eramango dituzte. Bestalde, ekintza bakoitzak bere kartel propioa izango du, eta bertan horien gaineko xehetasun gehiago azalduko dira. Gainera, ostiral zein larunbatean egitekoak diren afarietarako txartelak aldez aurretik erosi behar direla jakinarazi dute. Xehetasun horiek guztiak San Pedroko Jai Batzordearen sare sozialen bidez lor daitezke.
Festak bitartean ez dutela inolako eraso matxistarik onartuko adierazi dute Jai Batzordeko kideek, “ongi pasatzen ez badakizu, ospa!”.
Honakoa da, egunez egun, egitaraua:
Irailak 27, ostirala
- 17:30. Haurren merienda Portuko etxeetan.
- 18:30. Kalejira zezentxo eta buruhandiekin, Satakai txarangak girotua.
- 19:15. San Pedro Jaietako Argazki Lehiaketaren sari emate ekitaldia Herriko Plazan.
- Jarraian. 2023an jaiotako sanpedrotarrei ongietorria Herriko Plazan.
- 20:00. Txupinaren jaurtiketa Piña Kurdinen eskutik, elkarteak 90 urte bete dituelako.
- 21:00. Bertso afaria Antxetan. Bertsolariak: Aitor Sarriegi eta Iñigo Mantzisidor. Txartelak Antxetan erosi behar dira.
- 00:00. Kangrenaren kontzertua.
- Ondoren. El Nieto de Joxemari DJa.
Irailak 28, larunbata
- 11:00. Haurrrentzako triatloia Herriko Plazan.
- 11:00. Marmitako txapelketa Antxetan. 13:30ean, sari ematea eta dastaketa.
- 16:00. Mus txapelketa Torreatzen.
- 17:00. Haurrentzako Arrantza Txapelketa Torreatzen. 19:00etan, txapelketaren sari banaketa eta sardina jana.
- 19:00. Kitadelpare txaranga Torreatzetik.
- 21:30. Elegante Afaria Herriko Plazan. Paellada da. Txartelak, 12 euroan, hilaren 23, 24 eta 26an salgai Begihaundiren kanpoaldean.
- 23:30. La Fulana DJa.
- Ondoren. Torras DJa.
Irailak 29, igandea
- 12:00. Erraldoi eta buruhandiak, txistulariekin.
- 12:30. Patata tortilla txapelketa frontoian. Ondoren sari banaketa.
- 16:30. Esku pilotako finalak frontoian, haurrenak.
- 17:30. Esku pilotako finalak, helduenak.
- Ondoren. Goazen Nait.
- 18:00. Palazio Txikin (erretiratuen elkartean) Jose Inazio eta bere musika.
- 21:30. Zezensuzkoa.
