Hezitzaile titulua lortzeko ikastaroa antolatu du Oiartzo-Orereta Ikastolak
2024an 16 urte edo gehiago beteko dituzten herritarrei begirakoa da eskaintza.
Begirale ikastaroa seigarrenez eskainiko du Oiartzo Ikastolak. argazkia: Oiartzo Ikastola Haur eta gazteen aisialdirako jardueren dinamizatzaile titulua ateratzeko aukera eskainiko du Orereta-Oiartzo ikastolak, Ikastolen Elkarteko Aisiola hezitzaile eskolaren eskutik. Hala, aisialdiko hezitzaile titulu homologatua jasoko dute ikastaroa egiten dutenek.
2024an 16 urte edo gehiago beteko dituzten herritarrei begirakoa da eskaintza.
Ikastolan bertan egingo da ikastaroa eta urriaren 18an hasiko da eta ikasturte bateko iraupena izango du 17 urte beteta dituztenei begirakoa. Ikastaroa bi urtean egiteko aukera ere badago 16 urte bete edota aurten beteko dituztenen kasuan. Azken ikastaro hori, 2025ko urtarrilaren17an hasiko da eta bi urteko iraupena izango du. Aukera batean zein bestean, ikastaroak atal teorikoa eta praktikoa izango ditu, eta ostiral arratsaldetan emango dute 15:30etik 20:30era bitartean.
Ikastolako ikasleek zein ez direnek eman dezakete izena ikastaroan, eta horrek, aisialdi taldeetan, udalekuetan, eskolaz kanpoko ekintzetan, edota jangelako hezitzaile izateko aukera emango die.
Aisiola eskolak ematen du ikastaroa, eta Lanbidek homologatutako titulua da jasotzen dena.
Urrian hasiko den ikastarorako izena emateko epea, urriaren 7an, astelehena, amaituko da. 2025eko urtarrilean hasiko den bi urteko ikastarorako izena emateko epea, berriz, azaroaren 1etik 22ra izango da. Webgune bidez egin behar da (Klikatu hemen), eta ordainketa, matrikula egiteko unean egin behar da: ikastolako bazkideek 430 euro, eta hala ez direnek, 450 ordaindu behar dute.
