Dumitru Daniel Cobjuc, Hibaikako Gizon Seniorren entrenatzaile berria
Ibilbide luzea bezain oparoa du Cobjucek arraun munduan. Errumanian CSA Steavarekin arraunean arituta, Euskal herrian 2002an Ur Kirolaken hasi eta hainbat arraun taldeetan aritu da.
Dumitru Daniel Cobjuc da Hibaikako Gizon Seniorren entrenatzaile berria. Berritasunekin dator Hibaika Arraun elkartea. Izan ere, entrenatzaile berria izango du Gizon Seniorren taldeak: Dumitru Daniel Cobjuc. Arraun munduan ibilbide luzekoa da Cobjuc.
Errumaniako Iasi herrian jaioa, 1998. urtetik 2000. urtera arte Errumanian bertan CSA Steauarekin aritu zen arraunean eta hainbat garaipen lortu. Batzuk nabarmentzearren, 1999an U23 Mundialean brontzea, urte berean mundialean hamahirugarren postua, eta urtebete geroago, 2.000. urtean 23 azpiko kategorian urrea .
2002. urtean heldu zen Errumaniatik Euskal Herrira eta 2005. urtera arte Ur Kirolak elkarteko arraunlari izan zen . 2009an berriz, Orion aritu zen arraunlari ere, eta 2009. urtea eta 2012. urtearen artean, Zierbenan aritu zen eta tartean TKE ligara igo. Ez da hor bukatzen Cobjucen arraun ibilbidea; Trintxerpen, Zumaian, eta Donostiarran ere aritu da arraunlari Hibaikako senior taldea denboraldi berrian gidatzeko ardura izango duenak.
Arraunlari gisa eskarmentu handikoa da Cobjuc haren ibilbideak erakusten duen moduan, baina entrenatzaile ere aritu da. 2019-2020 denboraldian, Lapurdiko Arraun taldeko Emakumeen entrenatzaile izan zen Errenteria-Oreretako arraun klubean hasiko dena.
Denboraldi berria hastearekin batera, beraz, Dumitru Daniel Cobjucek Hibaikako gizon seniorren eskifaia gidatuko du, bukatu berri den denboraldira arte ardura hori izan duen David Iglesias pasaitarraren lekukoa hartuta.
Arraun denboraldia KAE2 Ligako sailkapen taulako bosgarren postuan bukatu dute Hibaikako gizonek, laugarren sailkatu zen Busturialdetik puntu bakarrera.
