Lagunarteko txapelketa antolatu du Oarso Boleik
Larunbatean jokatuko dute txapelketa hori, Beraungo pilotalekuan, 10:30ean hasita.
Oarso Boleibol taldeko jokalariak ostiralean pistak inauguratzen. Argazkia: Oarso Boleibol Taldea Lagunarteko txapelketa antolatu du Oarso Boleik larunbaterako. Berungo pilotalekuak hartuko ditu partida guztiak, eta haur, kadete eta gazte mailako taldeak ariko dira lehian.
Hiru txandatan, aldi bereko hiru partida jokatuko dituzte. Hala, 10:30ean Haur Mailan Oarso B taldea Mayumi B taldearen kontra; kategoria bereko Oarso A eta Mayumi A ariko dira ere, baita GAzte Mailako Oarso eta Mayumi.
Ordubete geroago, 11:30ean aldi bereko beste hiru partida jokatuko dituzte. Haurren Mailako Mayumi A taldea eta Aiztondo A ariko dira norgehiagoka joko eremuetako batean; Haurren Mailako Mayumi B eta Aiztondo B, bestean; eta Kadete Mailako Mayumi eta Aiztondo hirugarren joko eremuan.
Azken partidak 12:30ean hasiko dituzte, eta horietan, Haurren Mailako Oarso B eta Aiztondo B, maila bereko Oarso A eta Aiztondo A, eta Kadete Mailako Oarso eta Aiztondo ariko dira lehian.
Oarso Bolei taldeak herritar guztiak animatu ditu Beraungo frontoira gerturatu eta boleibolarekin zuzen-zuzenean gozatzera.
