Oiartzungo Garagardo Festan, gaur azken tragoskak
Ostegunean hasi, eta gaur bukatuko da Oiartzungo Garagardo Festa. 19:00etan zabalduko dute Madalensoro plazako karpa.
Gaur du azken eguna ostegunean hasi zen Oiartzungo Garagardo Festak. 18. ekitaldia du aurtengoa. Madalensoro plazan dago jarrita hamalau garagardo dastatzeko aukera ematen duen karpa, eta horiez gain, ez da falta jaki goxorik. Gaurkoan, 19:00etan zabalduko dute garagardotegia, eta 01:00ak arte bertako giroaz gozatzeko aukera izanen dute oiartzuarrek, eta bisitariek.
Garagardoaren bueltako jaiak pizgarri dezente ditu. Karpako giroa ederra izaten ari da. Hala, girotze lan horretan, zozketei toki berezia eman diete antolatzaileek: gaurko 22:00etatik 23:00etara, hainbat zozketa egingo dituzte askotariko sariekin. Beraz, tragoska artean, sariren bat irabazteko aukera dute han izango direnek.
Jarraian doazenak atzoko giroko hainbat irudi dira.
