20 establezimendu Lezo Bonuan
3,50 euroko bonuak erosi, eta 5 euro baino gehiagoko erosketak egiterakoan 5 euroko balioa duten bonuak dira kanpainaren oinarria.
Lezon erosketak egiteko Lezo Bonua kanpaina abian da. Lezoko Udalaren eta Lezokoak Merkataritza, Ostalaritza eta Zerbitzu elkartearen ekimenez egikaritu da egitasmoa, eta horren arabera, kanpainara atxikitako establezimenduetan bonuak erosi, eta horietan erosketak egin edo kontsumitzeagatik deskontuak izango dituzte bonu horien erosleek.
Bonu bakoitzaren prezioa 3,50 eurokoa da. Horiek, 5 euro baino gehiagoko erosketetan balia daitezke, eta beti bonua erosi den establezimenduan erabili behar dira. Hala, 5 euro baino gehiagoko erosketetan, bonu bakoitzeko 5 euro itzuliko zaizkio bezeroari; 1,50 euroko aldea udalak jarriko du, merkatarien mesedetan. 18 urtetik gorakoek bakarrik eros ditzakete bonu horiek.
Bonuen kanpaina hilaren 14n hasi zen, eta azaroaren 30era arte balioko dute bonu horiek. Jarraian, kanpainarekin bat egin duten establezimenduen zerrenda (horietan erosi eta baliatu behar dira bonuak):
- Garbiñe arrandegia
- Marcos gozodenda
- Itsaso ilea-apaindegia
- Kimaya estetika ekologikoa
- Luma estetika
- Orekan
- Optika Lezo
- Panpox
- Petit arropa denda
- Sagar Zulo erretegia
- Sorgin taberna
- Sotxo Taberna
- Taloka kafetegia
- Tiñelu taberna
- Titare mertzeria
- Ttantta bitxitegia
- Txingurri taberna
- Xarma ile-apaindegia
- Zaldiak jatetxea
- Zubitxo janari denda
