"Genozidioa stop!", Lezon
Gernika Palestina herri ekimenaren deialdiari jarraituz, elkarretaratzea deitu dute astelehenerako herrian.
Gernika Palestina herri ekimenak mobilizatzera deitu ditu herritarrak astelehenerako. Lezon bat egin dute deialdiarekin: herriko mobilizazioa asteleheneko (hilaren 21eko) 19:00etan izango da, Gurutze Santuaren plazan. “Genozidioa stop!” esango dute, Palestinako herria jasaten ari den suntsiketa eta herri-ezabapena salatzeko.
Palestinan bakea, justizia eta itxaropena hedatze aldera su-etenaren beharra nabarmendu du Gernika Palestinak: “Gernikako bonbardaketaren herria gara, eta lehen eskutik ezagutzen ditugu suntsipenaren ondorioak. Gernika berririk ez oihukatzeko beharra dugu, beraz, euskal herritarrok. Ezin dugu holakorik onartu. Sarraski honen aurrean ezin dugu isilik egon, ezin besoak gurutzaturik geratu. Beste ezeren gainetik, gaur eta hemen premiazkoa da ondorio latzak izaten ari den eskalada belikoa gelditzea eta bake eta itxaropen etorkizuna eskaintzea”.
