Oiartzun ibaiaren iturburuetatik ibilbide gidatua
Fanderiako Errotak ekintza antolatu du hilabete honetarako. Izena eman behar da parte hartzeko.
Fanderiako errota osorik berritu bitartean, beheko solairuan interpretazio zentro bat ireki berri dute: Fanderiako Errota, Ibaiaren Etxea. Fanderiako Errotako Ibaiaren Etxeak antolatuta, Oiartzun ibaiaren iturburuetatik ibilbide gidatua egingo dute larunbatean. Hori izango da hilabete honetako jarduera berezia. Mendi ibilbidea da, bost kilometro ingurukoa, eta Fanderiako errota mugiarazten zuen Oiartzun ibaiko uraren jatorriaren inguruetatik.
Oiartzungo Ergoien auzoko Portuberriko ur araztegian hasiko dute ibilbidea 10:00etan. 13:00ak arte egingo dute ibilbidea eta doakoa izango da. Hala ere, aldez aurretik izena eman behar da parte hartu ahal izateko, Oarsoaldeko Turismo bulegoko 943 49 45 21 telefono zenbakira deituta, edo posta elektronikora idatzita (klikatu hemen), edota 690 72 02 64 telefono zenbakira ala posta elektroniko honetan (klik hemen).
