Gaztetxearen egun handia, hilaren 26an
Hilaren 26an ospatuko dute Zabala-Enea II Gaztetxearen urteurrenaren egun handia. Hogeita laugarrena du dagoeneko, eta egun osoko egitaraua antolatu dute gazte asanbladako kideek hilabeteko azken larunbaterako.
Gaztetxean bilduko dira, Hilaren 26an ospatuko dute Zabala-Enea II Gaztetxearen urteurrenaren egun handia. Hogeita laugarrena du dagoeneko, eta egun osoko egitaraua antolatu dute gazte asanbladako kideek hilabeteko azken larunbaterako.
Goizean goiz hasiko dira egunaren barruan ondu duten egitarauaren ekitaldiekin. Mural margotzea izango da lehen ekintza, eta 10:00etan egin dute hitzordua horretarako, gaztetxean bertan. Bazkaria ere ez da faltako egun handi horretan. 14:30ean izango da, eta bertaratzeko txartelak salgai dira 12 euroan Arkaitza tabernan. Jandakoak dantzan erretzeko, berriz, Bixkor txarangak jarriko du musika 18:00etatik aurrera eta Zumarditik abiatuta.
Egunari ginga kontzertuek jarriko diote. 22:00etan hasita Erreten, Komerik, eta Fifi ta Fefa ariko dira.
Ibon Zabalari omenaldia
Aurretik hainbat ekintza antolatu dituzte. Horietako bat, Ibon Zabala zenaren omenezko ekitaldia da; urtero-urtero oroitzen dute hutsik egin gabe.Igandean egingo dute omenaldi hori.
1995eko uztailaren 1ean zendu zen gazte oreretarra, lehenengo Gazte Egunaren barruan. Oso ezaguna zen herrian. Bertso eskolan, euskalgintzan, Hibaikan, Zintzilik Irratian, ezker abertzalean, herriko gazte mugimenduan, gazte asanbladan… Gaztea zen Zabala, baina batez ere, geldiezina, konprometitua, militantea.
