Olibetera lekualdatuko dute Emakumeen Etxea, obrak direla-eta
KZGunea eta Oarsoaldea zeuden eraikinera aldatuko dute Emakumeen Etxea lanak bukatu arte.
Emakumeen Etxean izango dira ekintzak. Emakumeen Etxeak hobekuntzak egiteko lanak hasiko ditu, eta hori dela eta, egoitza lekualdatu egingo dute Olibet kaleko 6. zenbakian dagoen udal lokalera—orain arte KZgunea eta Oarsoaldea zeuden lekuan—. Astelehenean mudantza lanak direla eta, ez du zerbitzurik emango Emakumeen Etxeak, baina hilaren 22tik aurrera, eta obrek dirauten bitartean Olibeteko eraikinean jarraituko du jarduna.
Ordutegia, ohikoa izango da: astelehen eta ostiraletan 09:00etatik 13:00etara, eta asteartetik ostegunera, arratsaldez, 16:00etatik 20:00etara.
2019an zabaldu zituen ateak Emakumeen Etxeak, eta bost urteko ibilbide honek espazioaren eraldaketaren beharra erakutsi du. Hori horrela aprobetxamendua eta erabiltzaileen konfidentzialtasuna lortze aldera espazioan interbenitzea erabaki zen. Lanekin bi gela berri zango ditu Emakumeen Etxeak, bilera eta jarduera ezberdinetarako. Espazio guztiak eraikinaren barrutik lotuko direla pasillo baten bidez, eta harrera gunean zuzenean konektatuko dela emakumeen konfidentzialtasuna, eta gela balioanitzeko jarduerekin bateragarritasuna bermatuz azaldu dute.
Orain arte bezala, Olibeteko eraikinean den bitartean, arreta eta harrera zerbitzuez gain, orientazio juridiko, psikologiko eta sexologiko zerbitzuak eskaintzen jarraituko du Emakumeen Etxeak, baita iaksketak homologatzeko aholkularitza ere.
Eskola feministari dagokionean, bi ahalduntze talde dira martxan: Indarkeriarik gabeko bizitzaren alde, eta zaintzaileentzako topagunea.
Informazio gehiago 943 44 96 30 edo posta elektronikoaren bidez eskura daiteke.
