Rollerski lasterketa eta mendi zinema Urdabururekin
Azaroaren 7an eta 8an mendi zinema emanaldiak antolatu ditu Errenteria-Oreretako elkarteak; azaroaren 9an, berriz Arditurri Rollerski lasterketaren hamaseigarren ekitaldia egingo du.
Azaroaren 9an, arratsaldez, egingo du Urdaburuk Arditurri Rollerski Lasterketaren hamabosgarren ekitaldia. Eskaintza oparoa azaroko lehen asterako Urdaburu Mendizale Elkarteak ondu duena. Mendi zinemarekin izango da lehenengo hitzordua azaroaren 7an , eta Pass it on: Tami Knigth (4 minutu), La Gara (15 minutu) eta Wild Waters (85 minutu) filmak emango ditu Niessen kulturgunean. Hurrengo egunean, berriz, Crying Glacier (14 minutu), Elevated (15 minutu), Rope (29 minutu) eta Udalatx, ura eta atxa (37 minutu) emango ditu. Sarrerak, 4 euroan daude salgai online (klikatu hemen) edota Lekuona Fabrikan, zein emanaldia baino ordubete lehenago Niessen kulturguneko leihatilan bertan.
Azaroaren 9an, berriz, Arditurriko XVI Rollerski lasterketa egingo dute, bi mailatan bereizita, gazteena (2011tik aurrera) eta helduena (2010 eta horren aurretik jaioak). Gazteen taldea Fortaleza jatetxe paretik abiatu eta Arditurrin bukatuko du lasterketa, 3.200 metro eginda; helduena, berriz, Mamut Alcampotik aterako da eta Arditurrin bukatu, 6.800 metro eginda.
Dortsal banaketa lasterketa hasi baina ordu erdi lehenago egingo dute Oiartzungo Mamut-Alcampon 15:30ean. Lasterketak berriz, 16:00 abiatuko dira, bakoitza bere irteera puntutik. Sari banaketa eta merienda Urdabururen elkartean egingo dute —Juan Olazabal kalea, 23—18:30ean.
Parte hartzaileek kaskoak eta betaurrekoak erabili behar dituzte; rollerski klasikoak erabili beharko dira eta horiek gainera, gurbil batek gutxienez aurrera baino egiten ez duena izan behar du; kirolariek federatuta egon behar dute; eta antolatzaileak ez dira izango lasterketan kirolarien izan ditzaketen kalteen arduradun.
Izena eman nahi dutenek Urdaburun eman dezakete izena aurrez aurre astearte eta ostegunetan 19:00etatik 21:00etara, edota egun eta ordutegi berean 943 52 78 79-686 59 67 32 telefono zenbakietara deituta. Posta elektronikoz ere eman daiteke (klik hemen). Izena emateko honako datuak eman behar dira: izen-abizenak, jaiotze data eta elkartearen izena.
