40 urtera iritsi direnen eguna
Azaroaren 9an bazkaria egingo dute 1984an jaiotako lezoarrek. Gaurkoa da izena emateko azken eguna.
1984an jaiotako Lezoko kintoen, hau da, aurten 40 urte beteko edo bete dituztenen eguna azaroaren 9an izango da. Izan ere, ordurako bazkaria antolatu dute Zubitxo tabernan (14:30). Aurretik herritik biraxka egingo dute girotze ariketa egiteko, 12:30ean gelditu dira Gurutze Santuaren plazan.
Bazkarirako izen emate epea gaur (hilak 31, osteguna) itxiko da. Hala, izena eman nahi dutenek 600 70 22 45 telefono zenbakira deitu behar dute. Bazkariko menuaren prezioa 25 eurokoa da, eta hori ordaintzeko honako kontu korronte zenbakian diru sarrera egin behar da: ES7720955060109124472282.
