Data aldaketa 'Go!azen'-en aurrestreinaldirako
Bihar (ostirala) zen egitekoa telebista saioaren sasoi berriko lehen kapituluaren emanaldia: azaroaren 15era atzeratu dute.
Bihar (azaroak 1, ostirala) zen egitekoa Gezala Auditoriumean Go!azen telesailaren sasoi berriaren Lezoko aurrestreinaldia. Lezoko Udalak jakinarazi du emanaldia atzeratu beharrean izan direla, eta azaroaren 15eko 19:15era atzeratu egin dela (Gezalan da saioa). Hala, jada sarrerak erosiak zituztenek, egun berrirako balioko dutela jakinarazi du udalak. Data berriko emanaldira joan ezin dutenek, sarrerak Kultura Aretoan eman behar dituzte, eta dirua itzuliko diete. Azaroaren 1eko emanaldirako sarrerak agortu egin ziren.
Udalerri Euskaldunen Mankomunitateak (UEMA) eta ETBk egindako hitzarmenari esker gozatu ahal izango da aurrestreinaldiaz Lezon; Oarsoaldean eta Bidasoan, Oiartzun eta Hondarribia ere dira UEMAko kide. Lezoko Udalak lagundutako ekitaldia da.
