Natura, paisaia ederrak eta mitologia, txango bakar batean
Gipuzkoako Parketxe Sareak Oieleku inguruko mairu baratzeak ezagutzeko txango berezia antolatu du hurrengo astebururako.
Oielekun izango da estreinako Aiako Harriaren Eguna. Aiako Harriko natura parkea altxorrez josita dago, horietako bat da Oieleku ingurua. Bertan ere askotariko altxorrekin egin daiteke topo, tartean, mairu baratze ugari. Horiek gertutik ezagutzeko txango berezia antolatu du Gipuzkoako Parketxe Sareak datorren hilaren 10erako (igandea da). “Natura, paisaia eta mitologia uztartuz familian goiz ederra” pasatzera gonbidatu dituzte herritarrak.
“Oialekuko belardietan zenbait mairu baratze edo cromlech ikus daitezke. Baina batez ere, paisaia hauek mito eta kondaira ugariren iturri zian dira: mairuak, intxisuak… asko dira inguru hauetan murgildu diren pertsonaia mitologikoak”, diote parketxeko iturriek.
10:00etan abiatuko dira txangolariak, Oiartzungo Kausoko aparkalekutik. 12:30ean bukatuko dute ibilbidea, toki bebraen. 6 euro ordandu beharko dira (12 urtetik beherakoek, berriz, 4 euro). Izena emateko 943 49 50 69 edo 688 89 50 68 telefonoetara hots egin daiteke, edo bestela, helbide honetara idatzi daiteke.
Ibilbidea laburra izango dela aurreratu dute, eta “nornahik egiteko” modukoa dela. Haler,e oinetako erosoak eramatea gomendatu diete herritarrei. Helburua ez dela asko ibiltzea gaineratu dute Arditurriko Parketxeko iturriek, baizik eta gauzei erreparatuz eta gidariaren azalpenen laguntzarekin, “kondairaz betetako paisaian murgiltzea” bai
Arditurri Parketxeak beste txango berezia antolatu du datorren hilaren 10erako (igandea da). Oieleku inguruko altxorren bila.
