Gau Beltzean bizitakoak ez ahazteko bideo bat egin dute
Pasa den astean ospatu zuten oiartzuarrek Gau Beltza. Abaraxkak, orain, gaueko zenbait irudiekin sortutako bideo bat zabaldu du.
Urtero bezala, Gau Beltza ospatu zuten oiartzuarrek pasa den astean. Abaraxka udal ludoteka eta saltsa guztien perrexila antzerki taldeak antolatu zuten gaua, eta Mendibilgo frontoian eman zioten hasiera ibilbideari.
Herriko kaleetan barna ibili ziren herritarrak, eta besteak beste beldurrak erretzeko, dantza egiteko eta elkarrekin meriendatzeko aukera izan zuten.
Aurtengo Gau Beltza ez ahazteko Abaraxkak ibilbidea laburbiltzen duen bideo bat zabaldu du. Irati Matelok egin du bideoa, eta Esteban Martiarenak sortu ditu bertsoak.
