Valentziako herriari laguntzeko hainbat neurri aktibatu ditu udalak
Errenteria-Oreretako Babes Zibileko zazpi kide Valentziara (Herrialde Katalanak) joango dira laguntzera Montcadako Udalak egindako eskaerari erantzunez.
Babes Zibileko zazpi kide goizaldean abiatuko dira Valentziara, laguntzera. Denboraleak Valentzian (Herrialde Katalanak) eragindako kalteei aurre egiten laguntzeko hainbat neurri aktibatu ditu Errenteriako Udalak. Bi ekintza lerro aktibatu ditu zehazki, laguntza bideratzeko. Batetik Errenteriako Babes Zibileko Taldearekin lankidetzan jardun du, horiek euren esperientzia eta ezagutzatik lagun dezaten Montcadako Udalak egindako esakerari erantzunez.
Hala, goizaldeko 04:00etan abiatuko dira Errenteriako Babes Ofizialeko zazpi kide Valentziara, eta bihar goizean heltzea aurreikusi dute. Larunbat goizean itzuliko dira Errenteria-Oreretara bueltan. Babes Zibileko taldeak gainera, bost palet material bidali dituzte dagoeneko.
Bigarren neurri bat ere aktibatu du udalak. Mota honetako larrialdi egoeretan laguntzeko duen diru laguntza lerroa aktibatu eta 18.000 euro bideratu dizkie Valentzian laguntzen ari diren irabazi asmorik gabeko tokiko elkarteei. Azken orduetan material bidalketa ugariak sortzen ari diren logistika arazoak ikusita, materiala beharrean laguntza ekonomikoak lehenestea eskatu dute momentuz hainbat udalerri elkargoetatik, eta irizpide horrekin lotuta dago diru laguntzaren neurria.
