Bizikloia antolatu du Urdaburuk hilaren 23rako
Parte hartzaileek 14 kilometro egin beharko dituzte denera, zazpi korrika eta zazpi bizikletan.
XXXV. Bizikloia-XIX Eneko Arcelus Memoriala antolatu du Urdaburu Mnedizale elkarteak hilaren 23rako. Parte hartzaileek hamalau kilometro osatu beharko dituzte; zazpi bizikletaz, eta beste zazpi korrika. Bizikletaz egin beharreko ibilbidea Baleio sagardotegiaren ondoan dagoen aparkalekutik abiatuko dute Sorondoraino. Korrika egin beharreko bidea, berriz, Sorondon hasi eta Irurita, eta Ozentzio pasata Sorondon bukatuko dute.
Parte hartzeko bi modu eskura, banaka, edo bikoteka. Hori bai, bikoteka egitea aukeratzen dutenen kasuan, batek bizikleta tartea eta besteak korrika egin beharrekoa egingo dute antoaltzaileek zehaztu dutenez.
Sari banaketa eta askaria Urdaburu elkartean egingo dituzte 18:00etan hasita.
Izena eman nahi dutenek, modu presentzialean egitea izango dute elkartearen egoitzan astearte eta ostegunetan 19:00etatik 21:00ak arte; telefonoz ere ahalko da egin 943 52 78 79 edota 686 59 67 32 zenbakietara deituz aipatu egun eta ordutegian. Parte hartzaile gutziek adienz nagusiak izan behar dute, eta 15:ooetan hasiko da proba.
