Irakurketa erraza bueltan da
Hurrengo ostiralean, gaur zortzi, egingo dute Irakurketa Errazaren lehen saioa.
Xixilio Maritxalar eta Ximun Leturia Lau haizetararen presidentea eta koordinatzailea, hurrenez hurren, Mintzalaguna aurkezteko agerraldian, artxiboko irudian. Prkak bete lan da Lau Haizetara Euskaltzaleon Topagunea, euskaraz bizi nahi duen orori arnasguneak esku-eskura jartzeko. Hilabete ere ez da Mintzalaguna proiektuaren ikasturte berria abitu duela, eta oraingoan, Irakurketa Erraza programarekin dator.
Hurrengo ostiralean, gaur zortzi, abiatuko du programa horren ikasturtea euskaltzaleon topaguneak. Izenak berazk argi adierazten duen moduan, euskarazko irakurketa errazak egieta da helburua, ohitura hartzeko. Horretarako, barariaz moldatutako irakurgaiak aukeratu eta taldean irakurtzen dituzte hilean behin, ostiralarekin. Lehenengo saioa, esan moduan, hilaren 15ean egingo dute, 18:00etan hasita, Lau Haizetararen egoitzan, Joxepa Antoni Aranberri anitzenean.
Oraindik ere izena emateko aukera zabalik dutela jarri du nabarmen Ximun Leturiak Lau Haizetarako kide eta programaren arduradunak. Programarekin irakurketa eta kultura parte hartzaileen esku-eskura jartzen dutela jarri du nabarmen, “euskarazko irakurketa hobetu nahi dutenei”.
Izena eman nahi dutenek, 613 25 49 04 telefono zenbakira deitu baino ez dute.
