PSE-EEk omenaldia egin du memoriaren egunean
Azaroaren 10a Terrorismoaren Biktimen Memoriaren Eguna da, eta Errenteria-Oreretako talde sozialistak omenaldia egin zuen igandean Fanderiako Bakearen Parkean dagoen monolitoan.
Azaroaren 10a Terrorismoaren Biktimen Memoriaren Eguna da, eta Errenteria-Oreretako PSE-EEk omenaldia egin zuen igandean Fanderiako Bakearen Parkean dagoen monolitoan. Horrez gain, aurten Vicente Gajateren hilketaren 40. urteurrena bete da, eta hari aipamen berezia egin zioten. Omenaldian zinegotzi sozialistak, militanteak, arduradun organikoak eta hainbat biktima izan ziren, eta Jose Angel Rodriguez Errenteria-Oreretako talde sozialistaren idazkari nagusiak adierazi zuen ekitaldia “guztiak gogoratzeko eta oroimena bizirik mantentzeko” unea zela.
Alberto Muñagorri zinegotzi eta biktimak ere hartu zuen hitza, eta egun horren garrantzia nabarmendu zuen: “Eguna desitxuratzen saiatzen ari direnean, egun horrek eraikitzailea eta emankorra izan nahi du, gizarteari egindako akatsak berriro ez egiten lagunduko diona. Era berean, garrantzitsua da memoria pedagogiko bat izatea, gazteei zer gertatu zen erakusteko eta berriro ez errepikatzeko, ahal den neurrian lan eginez”.
Errenteria-Oreretako PSE-EEk eskerrak eman zizkien Fanderiara bertaratutakoei, eta bizikidetzaren eta memoria kolektiboaren alde lan egiten jarraituko dutela zehaztu zuten, “inoiz gehiago gerta ez dadin”.
