Bertso-afaria hilaren 30ean, Biyurrienearen eskutik
Lau bertsolari gaztek girotuko dute afaria hilaren 30ean. Azaroaren 17 arte dago izena emateko aukera.
Oiartzungo Biyurrienea gazte mugimenduak bertso-afari “biyurria” antolatu du hilaren 30erako. Haira Aizpurua, Haizea Arana, June Aiestaran eta Irantzu Idoate bertsolari gazteak gonbidatu dituzte afaria girotzera.
Sarrerak 20 eurotan daude salgai, eta bertaratu nahi duenak azaroaren 17 arteko epea izango du lotura honetan izena emateko. Leku kopurua lehenago betetzen bada goizago itxiko litzateke izen emateko epea.
Hilaren 30ean 20:30etan Oiartzungo Girizian elkartuko dira bertso-afarirako. Begetariano, begano, zeliako edota bestelako dieta duenak izen ematerakoan abisatzeko aukera izango du.
