Odola ematera deitu dute Antxon
Azaroaren 20an odol erauzketak egingo dira Antxon. Emaile berriak joatearen garrantzia azpimarratu dute.
Pasai Antxoko Odol Emaileak-ek azaroaren 20an odol erauzketak egitera deitu dute. Erauzketak Antxoko anbulategian egingo dira azaroaren 20an, 16:30etatik 20:15ak arte.
Urriaren 16an ere egin zuten odol erauzketa saio bat, eta 24 poltsa lortu zituzten, horietako bakarra emaile berri batena izanik. Emaile berriak joatea ezinbestekoa dela adierazi du, naturaltasunez bajak egoten baitira eta horiek ordezkatzeko.
18 urtetik gorako gazteei deialdia luzatu nahi izan diete. Jende pilaketarik gerta ez dadin emaile bakoitzari hitzordua emango zaio. Hala ere, COVID-19arekin lotutako sintomarik edukiz gero ez dela odola ematera joan behar abisatu dute.
