Sareetako komunikazioa librean sakontzeko jardunaldia
Goizean tailerra izango da Torrekuan, eta arratsaldean hainbat esperientzia ezagutzeko aukera Badalaben.
Badalaben izango da arratsaldeko topaketa. Argazkia: Badalab Komunikazio libreago baterantz trantsizioa. Hori, datorren ostiralean Udako Euskal Unibertsitateak, Torrekuak eta Badalabek antolatu duten jardunaldia. Helburuak, sareetako komunikazio librean sakontzea, estrategiak partekatzea, eta euskal komunitateak fedibertsoan izan dezakeen paperaz hitz egitea, “komunikazioan eta sareetan bizi ditugun ziurgabetasun garai hauetan”.
Jardunaldiaren barruan, tailerra egingo dute goizez, Torrekua eraikinean bertan; arratsaldean, berriz, zenbait esperientzia “inspiragarri” ezagutzeko aukera izango dute parte hartzaileek lehen eskutik. Azken hori Badalaben izango da —Joxepa Antoni Aranberri anitzenean—.
Kultura libre digitalarekin komunikatzeko tailerra 10:30etik 14:00etara egingo dute, Rita Barrachinak gidatuta.
Bazkarirako tartea hartuko dute 14:00etatik 16:00etara. Horren ondotik esperientziak ezagutzeko tartea zabalduko duter, aipatu bezala, Badalaben. 16:3etik 17:00etara Sare sozialen metrikak birpentsatzen jarriko ditu parteb hartzaileak Marcel Costak; Hizkuntzaren kudeaketaz fedibertsoan ariko da Rita Barrachina (17:00-17:30); komunikazio askeago baterantz trantsizioa izango du hizpide Shine McShinek (17:30-18:00), eta Twitter Osteko komunikazio estrategiak azalduko ditu Marta G. Francok (18:00-18:30).
Informazio gehiago lortu, eta izena emateko klik hemen.
