Auzo defentsarekin erantzun diote muralaren kontrako "erasoari"
Erabilera anitzeko gunean Gaztañoko bizilagunek duela hiru urte ondu zuten muralari eraso egin diotela eta grafiti batekin estali salatu dute auzotarrek; espazioa berriro margotu dute auzolanean.
Auzolanean berriro margotzen Antolatu eta auzo erantzuna eman dute Gaztañon. Horretarako gaitasuna dutela erakutsi dute asko-askotan eta orain ere, hala egin dute. ERabilera anitzeko espazioan, auzoko frontoian, murla egin zuten bizilagunek orain hiru urte. Lanketa luze-sakona zegoen mural horen atzean: hormetatik kanpo egin zuten diseinua, eta gero hura paretetara eraman eta auzolanean egi bihurtu.
Hiru urte geroago, auzoak erabaki eta ondutako murala “eraso” dute, sinadura erraldoi baten grafitia eginda. Gertaera horrek haserrea piztu du bizilagunen artean, eta azkar eman diote erantzuna. Auzotarrek baliatzen duten Telegram kanalaren bidez salatu zuten gertakaria. Argi esna zuten, ez zutela “halakorik onartuko” partekatu zuten idatzian, baita erantzuteko prest zirela ere.
Azaldu dute aldarrikapenak egin eta kaleak koloretsu mantentzeko hormak erabiltzearen alde daudela Gaztañon, baina beti ere bizilagunekin elkar bizitzen, “honakoa baina, zalantzarik ez dugu,, auzoa kaltetzeko ekintza izan da, eta eraso gisa hartu dugu guk”.
Erasoa gaitzetsita, auzolanerako hitzordua jarri zuten, “hondatutako mural zatia” leheneratu ez, tamalez, baina duin konpontzeko. Esan eta egin. Sinadura erraldoia estali, eta muralarekin integratutako marrazki berria prestatu dute, markatu eta margotu. Erabilera anitzeko guneko muralaren gainean irakur daiteke orain Auzo defentsa letra handi-handiz. Bide batez, auzo defentsan bezain beste dakitela auzolanean jarri dute agerian, beste behin ere.
Ondoko argazkiak Gaztañoko bizilagunenak dira.
-
- Grafitia murala erasotu zutenean
-
- GRafitia estaltzen auzolanean
-
- grafitia estaltzen auzolanean
-
- GRafitia estaltzen auzolanean
-
- Grafitia ezbaatuta eta zatia markatuta berriro margotu zain
-
- murala markatuta auzolanean
-
- Auzolanean berriro margotzen
-
- Auzolanean berriro margotzen
-
- Marrazki berria markatzen auzolanean
-
- Murala berriro margotuta
-
- Murala berriro margotuta
