Udalak lehen eskutik ezagutu nahi du gazteen errealitatea
Inkesta bat egiten hasi da helburua betetzeko gaurtik hasi eta abenduaren 9ra arte; 18-30 urte arteko gazteei begirakoa da inkesta hori.
Errenteriako Udala inkesta bat egiten hasi da gaur. Helburua du, ezagutzea gazteen errealitatea lehen eskutik, eta diagnosia egitea jasotako datu bilketan oinarrituta. Inkesta hori 18 eta 30 urte arteko gazteei begirakoa da, eta besteak beste, ikasketak, lana, emantzipazioa, aisialdia eta osasuna bezalako arloak aztertuko ditu.
Diagnostikoak gainera sakonago aztertu nahi du gazteen osasun mentalaren eta menpekotasunaren gainekoak. Udal zerbitzuak eta politika berriak diseinatzeko erabiliko ditu udalak jasotako datuak.
Inkesta eskura dago jada (klik hemen), eta betetzeko azken eguna abenduaren 9a izango da. Adin tarte horretako ahalik eta herritar gehienen erantzunak jaso nahi ditu uidalak, eta horregatik, parte hartzera eta inkesta betetzera deitu ditu udalerriko gazteak.
