'Zure etxeak energia galtzen al du?'
Aldundiaren Energia Argitu Kit kanpainaren barruko tailerra egingo dute Lezon hilaren 26an. Iratzerrik parte hartzeko gonbita egin die lezoarrei.
Zure etxeak energia galtzen al du? Galdera horri erantzuteko Energia Argitu Kit izeneko tailerra egingo dute Lezon hilaren 26an (asteartean). Gipuzkoako Foru Aldundiaren egitasmoa da Energia Argitu Kit. Iratzerrik bertaratzeko eskatu die lezoarrei. Kultura Aretoan egingo dute tailerra, 18:00etan hasita. Etxeko energia galerak identifikatzeko, eta beraz, dirua aurreztu ahal izateko tailerra izango da.
Bi era daude doan den tailerrean izena emateko. Lehena 605 75 76 87 telefono zenbakira deia egin eta apuntatzea da (astelehenetik ostiralera, 09:00-15:00etara). Bigarrena posta elektroniko bidezkoa da, bai Iratzerriren helbidera idatzita, bai eta Energia Argiturenean ere datuak emanda ere. Hilaren 25era arte dago zabalik izen emate aroa: erne, gutxieneko lagun kopuru batek eman behar du izena tailerrak aurrera egin dezan.
Tailerraren barruan, Energia Argitu Kit maleta ezagutu eta etxera eramateko aukera izango dute partaideek. Maleta horretan etxean energiaren neurketak egiteko gailuak daude. Bi asteko neurketak eginda, maleta hori itzuli egin behar da eta adituen laguntzarekin jasotako datuen irakurketa egiteko aukera izanen da. Hor jakingo da Zure etxeak energia galtzen al du? galderaren erantzuna.
