'Desagertuta' filma grabatuko dute Donibanen
Datorren ostegunean hasiko dira grabaketekin eta astebetez ariko dira horretan. Trafikoan eragina izango dute.
Datozen egunetan, hilaren 28tik (osteguna da) abenduaren 5era bitarte (osteguna da) hain zuzen, Desagertuta izeneko filmaren barruko grabaketak egingo dituzte Pasai Donibanen. Astebetez ariko dira zeregin horretan Juan XXIII kale inguruan. Bertan izango da errodaje gunea.
Grabaketek trafikoan eragina izango dutela jakinarazi du udalak. Hala, aipatutako kale honetan zirkulazioa kontrolatu eta desbideratu egingo dute. Dena den, kalearen bukaeran dagoen jubilatuen etxeko erabiltzaileak instalazio horretara iritsi ahal izatea bermatuko dute uneoro. Trafikoa aldizka moztuko dute kale horretan.
Juan XXXIII eta Joakin Otaegi kaleetako aparkalekuetan zenbait toki libre utzi beharko dira, bertan ekoizpen ibilgailuak egongo baitira. Karpak ere jarriko dituzte.
Beharrezkoa balitz, osasun baliabideak eta larrialdietarako edozein ibilgailu pasatzeko aukera bermatuko da uneoro.
