Familia Lagunaren laugarrena, martxan
Joan den astean abiatu zuten Haur eta Lehen Hezkuntzako sei ikastetxeetako 36 familiak ikasturteko bidea.
Topaketaren argazki bat. Argazkia: Familia Laguna Familia Laguna programaren ikasturte berria martxan da dagoeneko. Joan den astean abiatu zuten Haur eta Lehen Hezkuntzako sei ikastetxeetako 36 familiak programa Merkatuzarren, denak ikasturte honetan lehenengoz bat egindakoak Familia Lagunarekin. Topaketa horretan familiek elkar ezagutzeko aukera izan zuten.
Hilabete honetan hasi eta ekainera arte, parte hartzen duten familiek kulturarteko harremanak eraikitzeko aukera izango dute programaren bidez, eskola eremuan, zein udalerrian. Bide horretan, programaren ardura duen bitartekari taldeak, aholkularitza, topagunea, baliabideak eta aisialdiko askotariko jarduerak jarriko ditu parte hartzaileen eskura, programa dinamizatzeko.
Abenduan bertan hiru ekintza izango dituzte aukeran Familia Laguneko parte hartzaileek: formakuntza saioa; topaketa gastronomikoa; eta udalak antolatutako bi antzezlanerako sarrerak doan.
