Trintxerpeko Korkoiburuak, Euskararen Egun handirako prest
Euskararen Eguna behar bezala ospatzeko bi eguneko egitaraua ondu dute. Ostiralean eta larunbatean denetik izango da barrutian.
Iazko Euskararen Eguneko irudi bat, Trintxerpekoa. Urtero bezala, Euskara Eguna ospatzeko egitarau zabal eta erakargarria antolatu dute Trintxerpeko Korkoiburuek, haien arabera, “elkarlanean eta mimo handiz”. Ostiralean (hilak 29) eta larunbatean (hilak 30) euskara lau haizetara zabaldu eta ospatzeko denetik izango da, aurten ere ez baitute egun bakarrera mugatu nahi izan euskararen egun handia.
Honakoa da egitaraua:
- Ostirala:
- 17:30: Haurren puzgarriak izango dira Gernika plazan.
- 19:00: Graffiti tailerra egingo dute Gernika plaza.
- Larunbata:
- Goiz osoan zehar: Karmengo Amako ikas bidaiaren postua jarriko dute Serafin Esnaola plazan.
- 12:00: Haurren tailerrak izango dira Serafin Esnaola plazan.
- 13:00: Haurren jolasak izango dira Serafin Esnaola plazan.
- 13:00: Dantza poteoa egingo dute Euskadi etorbidean, Serafin Esnaolan eta Gudarien plazan.
- 14:30: Herri bazkaria egingo dute Gudarien plazako karpan (itxi dute tiketak erosteko epea).
- 17:30: Zinema Txikiaren barruko emanaldia egingo dute alkateordetzan: Nobitaren dinosauro berria. Doakoa da sarrera.
- 18:30: Muxutruk erromeria.
- 22:00: Guatekea egingo dute, asteburua biribiltzeko.
