Segundo Izpizua eta Biteri kaleak asfaltatzen ari dira
Lanak direla eta trafikoan aldaketak egin dituzte hilaren 4a arte.
Biteri eta Segundo Izpizua kaleen asfaltatze lanak direla eta, trafikoari eragingo dioten aldaketak egingo dituzte hilaren 4a arte. Biteri kalean mozketa bat egingo da Ikutza Kortsarioarekin bidegurutzetik Segundo Izpizuaraino, eta aparkalekuak autoz libratu beharko dira. Biterira doan trafikoa Ikutza Kortsarioa kaletik desbideratuko da ohiko norabidearen kontra, Juan Olazabal kaletik jarraituko du ohiko noranzkoaren kontra, Martin Etxeberria kalerantz biratu arte.
Segundo Izpizua kalea ibilgailuz libratuko da eta gutiz moztuko da. Ikutza Kortsario eta Juan Olazabal kalean aparkatzen duten ibilgailuek zirkulazioaren noranzko berriaren arabera aparkatu beharko dute lanak bukatu arte.
Garajeetarako sarbidea
Biteri 37 eta Alfontso XI kaleko garajeetara Xenpelarretik egingo dute sarrera, Biteri kaletik kontrako norabidean, eta irteera Alfontso XItik izango da. Segundo Izpizuako garajeetan berriz, sarrera eta irteera Nafarroa etorbidetik egin beharko da. Arratsalde-gauean bakarrik sartu ahal izango da hurrengo goizera arte (lanorduetatik kanpo).
Ikutza Kortsarioan eta Juan Oalzabalen ohiko noranzkoaren kontra egingo da sarbidea.
Biteri kalera doazen banatzaileek Xenpelar kaletik egin beharko dute sarbidea eta irteera Alfontso XI kaletik. Autobusengan ere izango du eragina, U11 linean zehazki. Biteri 45eko geltokia bertan behera geldituko da, eta alternatiba U22 linea izango da..
