Euskara Talaiak hamar urte
Lezo Herri Eskolan eta Institutuan nahiz herrian euskarari bultzada emateko taldeak esker on bideoa zabaldu du gaur, Euskararen Egunean.
Euskara Talaiakoak, apirilean Adunako Zirkuolara egindako irteeran. Lezo Herri Eskolan eta Lezo Institutuan euskara hauspotzeko zereginean hamar urte bete ditu Euskara Talaia. Asko izan dira hamar urteko bide horretan egindakoak, eta horiek ospatzeko, bideoa egin dute. Ikus-entzunezkoa Lezo Herri Eskolako nahiz Institutuko komunitateen artean zabaldu dute, eta HITZAra ere bidali dute. Gaurko egun berezian, Euskararen Egunean, zabaldu dute esker on euskarria.
Bideoarekin batera, ondoan izan dituztenei eta direnei mezua helarazi diete: “Euskara Talaiatik, guztioi begira… Halaxe hasi zen duela 10 urte Talaiaren bidea. Familia, lagun,bidelagun… Eskerrik asko komunitate hau osatzen duzuen guztioi. Ospa dezagun euskara, ospa dezagun herria, herri bizia. Euskara Talaia 10 urtez, euskara ahoan urte luzez!”.
Ondokoa da Euskara Talaiak landu duen bideoa:
