Arabako biraren hogeita batgarrena hilaren 14an
Hirugarren larunbatarekin egin beharrean, bigarren larunbatarekin egingo du Urdaburu Mendizale elkarteak irteera.
Lantanoko Ureta auzoan hasiko dute ibilaldia. Urdaburu Mendizale elkarteak Arabako biraren hogeita batgarren zeharkaldia antolatu du hilaren 14rako. Lantenoko Ureta auzoan hasiko dute ibilaldia eta Idubaltza etra Beraskola tontorrak igarota, Okondon bukatuko dute. Zeharkaldia denera, 4,3 ordukoa izango da. Xehetasun guztiak ikusteko egin klik hemen. Ibilaldia bukatuta txistorra pintxoa dastatzeko aukera izango dute parte hartzaileek, Laudioko Karrika jatetxean.
Irteera 07:30ean egingo dute Panier aldean dagoen Zumardiko autobus geltokitik, eta 07:45ean aritzetatik. Izena eman nahi dutenek Urdabururen egoitzara jo dezakete astearte eta ostegunetan 19:00etatik 21:00etara, edo 943 52 78 79 telefonora deitu egun eta ordutegi berean. Galdetegia beteta ere eman dezakete izena online (klik hemen)
