Sionismoaren konplize ez izateko eskatu dute
Carrefourri boikota egiteko eskatu du Oiartzungo Supermerkatu horren sarreran Euskal Herriko BDZ nodoak, "Israelen konplize delako".
Carrefour aurrean elkarretaratu dira Palestinaren alde. Elkarretaratzea egin dute gaur eguerdian hainbat lagunek Oiartzungo Carrefour supermerkatuaren aurrean. BDZ Israeli boikota, desinbertsio eta zigorrak nodoa zen elkarretaratzearen deitzailea. Palestinako banderak eta Carrefour supermerkatuari boikota egitea eskatzen zuen pankartaren atzean egin dute protesta eta bien bitartean beste hainbat lagunek esku orri8ak eta informazioa banatzen aritu dira supermerkatu horretara sartu-irtenean zebiltzan herritarrei.
Gurdiak lepo atera diren herritarrei azaldu diete erositako horren dirua Israel “Gazan egiten ari den genozidioa” sustatzera bideratzen duela supermerkatu kateak: “Zuk bertan erosten duzun bitartean, Israelek 20.000 haur hil ditu Gazan, eta Carrefour konplizea da, Israelen eta genozidioaren konplizea”.
Israeli boikot orokorra egitea eskatzen du BDZ-k, baita bertan ekoitzitako produktuen kontsumoari boikota egitea, eta genozidioaren parte aktiboa diren enpresak salatzea. “Carrefour horietako bat da, Israelgo armada laguntzen du eta ogitartekoak eman palestinarrak hiltzen dituen bitartean”. Konplizeen artean, Euskal Herriko hainbat enpresa badirela jarri dute nabarmen gaurko protestan, “hainbat dira Israelekin negozioa eginda etekina ateratzen dutenak, milaka eta milaka palestinarren kontura. adibide argia ditugu CAF eta SAPA enpresak”.
Carrefour eta Israelen arteko harremanaren gaineko azalpen zehatzak bilduta ditu BDZk txosten batean. Irakurtzeko egin klik hemen.
Carrefourren atarian egin duen protestaren bideaz bertan ziren herritarrei egindako eskaera zabalagoa egin du BDZk, eta hala, herritar orori eskatu dio boikot aktiboa egin dezaten “Israelen konplizeekin” boikotarekin bat eginda, deialdietan parte hartuta.
Erosketekin lepo betetako karroekin irten dira erosle ugari supermerkatu horretatik; bien bitartean, Gazan, bonba hotsak entzuten dira.
