Energia fakturen tailerra, Iratzerriren eskutik
Iratzerrik fakturak ulertu eta horietan aurrezteko tailer bat emango du ostiralean Altzate Auzo Elkartean, 19:00etatik 20:30era. Energiaren azken faktura eramatea eskatu diete bertaratzen direnei.
Iratzerriren saio bateko irudia. Iratzerri Energia Komunitateak fakturak ulertu eta horietan aurrezteko tailer bat emango du ostiralean (hilak 13) Altzate Auzo Elkartean, 19:00etatik 20:30era. Saioa elebiduna izango dela aurreratu dute antolatzaileek.
Tailer horretan merkatu elektrikoak nola funtzionatzen duen erakutsiko dute Iratzerriko kideek, eta kontratuak ulertzeko eta horietan aurrezteko gakoak aurkeztuko dituzte. Hori dela eta, energiaren azken faktura eramatea eskatu diete bertaratzen direnei, dituzten zalantzak argitzeko eta kontratuak egokitu ahal izateko.
