Musikaz betetako urte bukaera Lezon
Tomas Garbizu Musika Eskolak ikasleek izaera berezia emango diete Lezoko Eguberriei, hainbat emanaldi egingo dituztelako.
Urte bukaera indartsua prestatu du Tomas Garbizu Lezoko Udalaren Musika Eskolak. Hainbat musika emanaldi ireki prestatu dituzte Eguberrien testuinuguruan. Aretoan, eta kalean izango dira. Hori bai, den-denak lezoar denei zabalik.
Honakoa da emanaldien zerrenda
Hilak 18, asteazkena
- 17:00etan, Gezala Auditoriumean, Musika eta Mugimendua 1.1 mailakoen kontzertua.
- 17:45ean, Gezala Auditoriumean, Musika eta Mugimendua 1.2 mailakoen kontzertua.
Hilak 19, osteguna
- 18:00etan, Gezala Auditoriumean, musika eskolako ikasleen kontzertua.
Hilak 21, larunbata
- 12:30ean, Aiton Bordatik hasita, kantu jira.
Hilak 22, igandea
- 12:30ean, Gezala Auditoriumean, helduen bandaren eta talde koralen emanaldia.
Hilak 24, asteartea
- 12:00etan, Euskal Herria plazatik, Hator hator kantatzera kalebuelta.
- 12:45ean, Aiton Bordarik hasita, Eguberrietako kalejira.
Hilak 31, asteartea
- 12:45ean, musika eskolatik abiatuta, urte bukaerako Koplak kantari kalejira.
