Hilaren 20an hasiko dira 2025eko udal egutegia banatzen
Mahaiko eta paretako egutegiak eskuratu ahal izango dituzte lezoarrek. Kultura Aretoan jaso behar dira.
Egutegiaren azala Raul Jimenok egin du. Lezoko Udalaren 2025eko egutegia prest da. Jada hori osatzeko argazki lehiaketaren irabazleek jakinarazi zituen udalak, eta orain, inprentatik pasa eta banaketa egin behar da. Udalak iragarri du hilaren 20an hasiko direla banaketarekin.
Egutegiak bi dira, eta biak doan jaso ahal izango dituzte herritarrek. Bat, paretan itsastekoa da, eta bestea, txikiagoa, mahaietan jartzekoa. Horren azala egutegia osatzeko argazki lehiaketaren irabazleak egin du, Raul Jimeno Martinezek hain zuzen ere. Gainera, 2025eko hilabete guztietako egunen zerrendaren ondoan, finalista izan ziren beste hamabi irudi dituzte egutegiek.
Paretan jartzeko egutegiaren 1.500 ale inprimatuko dituzte, eta mahaikoaren beste 400. Hortaz, lezoar denek izango dute aukera horietakoren bat eskuratzeko. Egutegien banaketa Kultura Aretoan egingo da.
