'Erraldoi erraldoiak' ikuskizuna egingo dute Landetxen
Hilaren 12an izango da ikuskizuna, 17:00etan, Landetxen. Sarrerak aurrez erosi behar dira, eta eskuragarri daude dagoeneko.
Ekainean egin zuten lehenengoz Erraldoi erraldoiak ikuskizuna Oiartzunen, eta berriz egingo dute hilaren 12an, 17:00etan, Landetxen. Gainera, aurreratu dute oraingoan ere herriko zenbait eragilek hartuko dutela parte, hala nola Erraldoi txikien konpartsako kideek, Ibargain Musika Eskolako eta HM eskolako irakasle zein ikasleek, Karmele Mitxelenak eta Errege Beldak.
Mitxelena ipuin kontalaria izango da, eta Belda, berriz, akordeoilaria. Hots, dultzaineroak Ilargi Ziaurriz eta Mikel Ortiz izango dira, eta erraldoi txikien konpartsako kideek dantzatuko dituzte erraldoiak.
Zuzeneko musika eta ahotsekin lagundutako ipuin kontaketa dramatizaturako sarrerak eros daitezke, hemen.
