Barakaldoko hilketa matxista gaitzesteko elkarretaratzea gaur
Euskal Herriko Emakumeen Mundu Martxak deituta elkarretaratzea izango da gaur arratsaldean Clara Rangel plazan.
Clara Rangel plazan izango da elkarretaratzea. Beste bat. Indarkeria matxistak aurpegirik gordinena erakutsi du berriro. 84 urteko emakumea, Alicia, hil du haren semeak Barakaldon. 2025a hasi berritan Euskal Herrian aurten izandako lehen hilketa matxista da. Urtarrilaren 3an hil zuen Alicia haren semeak. Emakumeak ez zuen inoiz salatu semea, baina bortxa matxistarekin lotuta aurrekariak ditu gizonak; hala jaso du Berria-k.
Euskal Herriko Emakumeen Mundu Martxak deituta, elkarretaratzea egingo dute gaur, hilaren 7an, Errenteria-Oreretako Clara Rangel plazan hilketa matxista salatzeko; 19:00etan izango da. Leloa: Alicia, matxismoak eraila Barakaldon.
Indarkeria matxistak 2003tik Euskal Herrian hil duen 125. emakumea da Alicia.
Elkarretaratzearen deitzaileek herritar guztiak deitu dituzte protestarekin bat egitera eta autodefentsa feminista aldarrikatu dute egiturazkoa den bortxakeriari aurre egiteko.
