PSE-EEk errege desfilearen kudeaketa "kaxkarra" egotzi dio EH Bilduri
Gabonetako ekintzen gaineko kudeaketaren balorazio bera egin dute sozialistek, eta argiztapena "exkaxa" izan dela ere esan dute.
Gabonetako argiztapena. Argazkia: PSE-EE EH Bilduk egin duen Gabonen kudeaketaren gaineko balorazio oso ezkorra egin du alderdi sozialistak. Komunikabideetara helarazitako prentsa ohar bidez, kritiko azaldu da, besteak beste, ez zaiolako nahikoa iruditu kaleen argiztapena, ezta dekorazioa Erdialdeko kaleetan ere, “zer esanik ez auzoetan, horietan ez da apaingarririk jarri”. Gabonetako egitarauari ere egin zion erreferentzia, eta kultur eragileei aitortza egin, “horiek dira egitarauari eutsi diotenak”.
Gipuzkoako beste udalerriekin alderatzeari “lotsagarria” iritzi zioten sozialistek, “Herrialdeko hirugarren udalerria gara eta hori aintzat hartuta ariko den udala merezi dugu. Jai mota honek bizitza eta alaitasuna ekartzen dute baina ez hori bakarrik, bisitariak erakarri eta tokiko saltokiak dinamizatzeko aukera paregabea ere badira”.
Errege desfilearekin gertatua ez dela “kasu isolatua” nabarmen jarri zuen PSE-EEk: “Madalenak, Santomas, eta Inauterietan berdin gertatzen da, udalak ez ditu bere gain hartzen bere ardurak, ez du bitarteko nahikorik eskaintzen, eta kultur eragileak abandonatuta eta finantzazio eskasarekin uzten ditu. Kezkatuago dago EH Bildu jaien izendapen aldaketarekin”.
