Lau ikastaro, sei tailer eta bi jabekuntza talde Eskola Feministaren eskutik
Urtarriletik maiatzera lau ikastaro, sei tailer, eta bi jabekuntza talde jarriko ditu martxan, besteak beste leinu femeninoa, adinkeria, brikolajea, autodefentsarako estrategiak edota feminismotik amatasunak aztertzeko.
Itsaso Cruz zinegotzia eta Amaia Cuesta teknikaria Eskola Feministaren egitarauaren aurkezpenean. Eskola Feministak ikasturte berria hasiko du hilabete honetan bertan. Urtarriletik maiatzera lau ikastaro, sei tailer, eta bi jabekuntza talde jarriko ditu martxan, besteak beste leinu femeninoa, adinkeria, brikolajea, autodefentsarako estrategiak edota feminismotik amatasunak aztertzeko.
Gaur aurkeztu dute Eskola Feministaren barruan antolatutako egitaraua Itsaso Cruz Berdintasun zinegotziak eta Amaia Cuesta Berdintasun teknikariak. Aurreko ikasturteak utzitakoaren balantzea ere egin dute gaurko agerraldian biek, eta oso positibotzat jo dute Eskola Feministak aurreko ikasturtean jasotako erantzuna. Datuak eman dituzte hori baieztatzeko. Horrela, aurreko ikasturtean udazkeneko eta udaberriko edizioen artean eskainitako 19 jardueretako batean 301 emakumek eman zuten izena: “Hiru jarduera bertan behera gelditu zirela kontuan hartuta, denera 245 plaza bete ziren 16 jardueretan”.
Euskaraz ematen diren tailerrak belarriprest programaren barruan antolatzen dira, ikasleak euskaraz hitz egitera animatzeko, nahiz eta maila baxua izan.
Orain arte bezala, prestakuntza jarduera guztiak doakoak dira eta izena emateko epea gaurtik hilaren 22ra dago zabalik. Tailerren kasuan, plaza librerik geratzen bada izena emateko epea tailerra hasi baino zazpi egun lehenago itxiko dute. Jabekuntza taldeetan, ordea, beharrezkoa da izena ematea, baina urte osoan zehar egin daiteke. Izena emateko aurrez aurre Zu! Zure Udala zerbitzuan egin daiteke udaletxean zein aldakoenean ohiko ordutegietan, baita Emakumeen Etxean ere. Halaber, online egin daiteke galdetegia beteta (Klik hemen). Baita posta elektronikora mezua bidalita ere (Klik hemen).
Ikastaroen gaineko informazio guztia, hemen klik eginda kontsulta daiteke.
Ikastaroak
- Nire gorputza, ni neu!
- Munduko emakumeen literatura
- Emakumeen arteko kantua berreskuratzen
- Batukada feminista
Tailerrak
- Gure arbaso emakumezkoak: gure emakume-leinua lantzea
- Autodefentsa feminista. Oinarrizkoa. Gaztelaniaz
- Zure etxerako oinarrizko brikolajea
- Autodefentsa feminista. Oinarrizkoa. Euskaraz
- Ederki zahartzea: autozaintza aktiboa eta osasungarria
- Atsolorra. Amatasun feministak
Jabekuntza taldeak
- Indarkeriarik gabeko bizitzaren aldeko emakumeen gunea
- Emakume zaintzaileentzako topagunea
