Nigeriako kontsulatuak zenbait izapide egiteko aukera eskainiko du

Nigeriar jatorria duten Gipuzkoako herritarrei aurrekari penalen izapidea egiteko aukera emango die. Reina aretoan egingo dituzte izapide horiek, 09:00etatik 19:00etara izango dira.

Nigeriar kontsulatua Errenteriako Reina aretoan joan den uztailean. Argazkia: Herri Bizia

Hilaren 23an, osteguna, Errenteria-Oreretan izango da Nigeriako kontsulatua. Nigeriar jatorria duten Gipuzkoako herritarrei aurrekari penalen izapidea egiteko aukera emango die. Reina aretoan egingo dituzte izapide horiek, 09:00etatik 19:00etara izango dira.

Nigeriako kontsulatutik abiatutako ekimena da, eta Nigerian Union Elkarteak antolatu du, Errenteriako Udalaren laguntzarekin. Bertaratu nahi dutenek, elkartearekin harremanetan jar daitezke zuzenean 628 69 94 30 telefono zenbakira deituta. Elkartea horren bidez Nigeriako kontsulatuarekin zenbait elkarlan egin dira azken urteetan Errenteria-Oreretan, nigeriar komunitateak ezinbestekoak dituen izapide burokratikoak bete ditzan espazioak irekiz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.