Kokein eta Ollokiren doinuak, Oarsomusikaren proposamen berria
Niessen aretoan egingo dute kontzertua otsailaren 1ean. Sarrerak 12 euroan daude salgai.
Olloki eta Kokein. Bi horiek dira Oarsomusikak otsailaren 1erako ondu duen kontzerturako kartela osatu duten bi taldeak. Olloki, Andoni ollokiegi euskal musikariaren banda proiektua da. Hainbat musika estilo jorratzen ditu 1970 1980. hamarkadetako doinuak oinarri hartuta iaz argitaratutako Alienatuak diskoa aurkeztuko du taldea.
1999anhasi zuen Kokeinek ibilbidea. Gaur egungo boskoteak, Zaloa (ahotsa), Iker (gitarra), Edu (baxua), Jatsu (gitarra) eta Letek (bateria) osatzen du. Taldearen sorreratik zortzi erreferentzia diskografiko dituzte eta beraien ibilbidean zehar bide ezberdinak jorratu dituzte beti ere rocka oinarri izanik, hori baita beraien funtsa.
2024ko Abenduan euren azken lana kaleratu zuten, Bidea Da Helmuga, taldearen 25 urteko ibilbideari lotuta doana. Bertan bost abesti berri eta lagunak diren talde eta bakarlariek (Zea Mays, Miren Narbaiza, Ander Mujika, Joseba Baleztena, Mursego, Eraso! eta Nakar) egindako euren abestien bertsioak bildu dituzte.
Kontzertua 20:15ean Niessen Kulturgunean. Sarrerak erosteko, egin klik hemen.
