Izan Bai taldeak hilaren azkenean argitaratuko du lehen diskoa
Urtzi Olaziregi oiartzuarra da taldeko baxu jotzailea. Heavy metal taldeak 'Dena galdu baino lehen' diskoko hiru kanta aurreratu ditu.
Heavy metal taldea da Izan Bai, eta Urtzi Olaziregi taldeko baxu jotzaileak azaldu duenez, hilaren 31n argitaratuko dute Dena galdu baino lehen diskoa. Taldekideek azaldu dutenez diskoa, musikalki, etxera bueltatzearen antzekoa izan da; sustraietara itzuli dira. “Proiektu honek heavy metala du oinarri, baina azken urteotan jasotako esperientzia aberasgarriaren eta heldutasun musikalaren emaitza da”, gehitu dute.
Zumaiko Ozen estudioan grabatu zuten lana 2024ko irailean, Jurgi Taboadaren gidaritzapean. Azalaren diseinua, berriz, Kuku Maitiak egin du. Bederatzi kantuk osatzen dute diskoa, eta horietako hiru aurreratu dituzte. Jarraian, taldeak argitaratu duen azken abestia.
'Dena galdu baino lehen'
- Barne borroka
- Izan bai
- Heriotz minez
- Damuaren dama
- Sustraiak egarri
- Sutan nago
- Onarpen eske
- Dudan dena zugatik
- Dena galdu baino lehen
