Xenpelar tailerretako matrikula epea, zabalik
Bigarren lauhilekoko ikastaroen matrikulak otsailaren 7ra arte egin daitezke.
Xenpelar tailerretako bi lauhilekoko ikastaroen matrikulazio epea zabalik da otsailaren 7ra arte. Pintura ikastaroan zabaldu dute zehazki matrikulazio epea, bi tailerretan. Naturaletik margotzea ikastaroan natura hila eta paisaiak lantzen dituzte eta asteazkenetan egiten dituzte saioak 15:00etatik 18:00etara.
Erretratuak koloretako arkatzez ikastaroa, berriz, asteazkenetan 18:00etatik 21:00etara.
Argazkigintza tailerrean, ikastaroaren arabera, izena emateko aukera izango da. Gainontzeko ikastaroen matrikula ez da zabalduko. Matrikula online (klik hemen) edo aurrez aurre egiteko aukera izango dute interesdunek, azken hori, Lekuona Fabrikaren harreran. Horretarako, eskaera orria bete beharko da. Interesdun guztiek plaza lortzeko aukera bera izan dezaten gainera, zozketa bidez egingo da esleipena eskaera eskaintza baina handiagoa den kasuetan. Gaitasun ekonomikoaren araberako tasa aplikatzeko, eskaera egin beharko da.
Ikastaroetan onartutakoen zerrendak otsailaren 12an argitaratuko dira webgunean eta Lekuona Fabrikan egokitutako euskarrietan. Informazio guztia Xenpelar Tailerren webgunean edo 943 44 96 35 telefono zenbakira deituta eskuratuko dezakete interesdunek.
