Hiri garraio publikoa doakoa 12 urtetik beherakoentzat, bihartik
Pertsonalizatutako Mugi txartela izan beharko dute, eta dagoeneko Mugi G txartela dutenek ez dute beste izapiderik egin beharko.
Garraioan ere aldaketak izango dira larunbatean,Bizipozaren Jaiaren harira. Argazkia: Sergio Ibañez. Doakoa izango da 12 urtetik beherakoentzat hiri garraio publikoan bidaiatzea bihartik. Mugikortasun iraunkorreko ohiturak txikitatik sustatzea, eta familiei garraio gastuak murrizten laguntzea da iniziatibaren helburua udalak jakinarazi duenez.
Doakotasuna baliatu ahal izateko, pertsonalizatutako Mugi txartela izan beharko dute , eta dagoeneko Mugi Gazte G txartela dutenek, ez dute bestelako izapiderik egin beharko. Bestela, txartel berria eskatu beharko dute aurrez aurre baimendutako puntuetan edo online plataformaren bidez. Udalak gomendatu du eskaera telematikoa egitea, “errazagoa eta azkarragoa” delako.
Doakotasuna baliatzeko prozedura erraza da. Umeek beren gazte txartela gidariari erakutsi beharko diote, eta gidariak paperezko doako txartela emango die.
Neurriarekin familia gehiagok garraio publikoaren alde egitea espero du udalak, “horrela ingurumenaren zaintzan eta etxeko ekonomia orekatuan lagunduz”. Gipuzkoako gainontzeko garraiobideetan ere doan bidaiatu ahalko dute 12 urtetik beherakoek bihartik aurrera, baina kasu bakoitzean nola jardun behar den kontsultatzeko aholkatu du udalak, “modu ezberdinak baitaude”.
