Itsastarrak Mendi Taldea, Nafarroara

Trintxerpeko Itsastarrak eta Herrerako Mendizaleak Goizueta eta Arantzara joango dira otsailaren 9an. Bi ibilbide proposatu dituzte: luzea, 20 kilometrokoa, eta motzagoa, 11,5 kilometrokoa.

Trintxerpeko Itsastarrak Mendi Taldea eta Herrerako Mendizaleak Nafarroara joango dira otsailaren 9an (igandea). Mendizaleak 07:00etan irtengo dira autobusez Trintxerpeko kaitik, eta Garberan ere jendea jasoko dute, 07:05ean. Irteerak 18 euroko prezioa du bazkideentzat eta 20 eurokoa bazkide ez direnentzat.

Mendizale taldeek bi ibilbide proposatu dituzte datorren iganderako: luzea, 20 kilometrokoa, eta motzagoa, 11,5 kilometrokoa. Ibilbide luzea Goizuetan hasi eta Arantzan bukatuko da. 1.490 metroko desnibel positiboa du, eta 8 ordu inguruko iraupena izatea aurreikusi dute mendizaleek. Ibilbide motzagoa, aldiz, Arantzan hasi eta bukatuko da. Ibilbide horrek 440 metroko desnibel positiboa du, eta 5 orduko iraupena izatea aurreikusi dute. Izen emateak galdetegi bidez egin behar dira.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.