Irungo hilketa matxista salatuko dute bihar
Clara Rangel plazara deitu du Oreretako Mugimendu Feministak bihar, larunbata, 12:30ean.
Barakaldoko hilketa matxista salatzeko elkarretaratzea egin zuten joan den abenduan Clara Rangel plazan. Irungo hilketa matxista salatzera deiru du Oreretako Mugimendu Feministak. Euskal Herriko Emakumeon Mundu Martxak egin duen deialdiarekin bat egin eta Clara Rangel plazan elkarretaratuko da mugimendua egiturazko biolentzia horren adierazpenik bortitzena den erailketa maxista gaitzesteko, eta indarkeria matxistarekin behin betiko bukatu behar dela aldarrikatzeko.
12:30ean egin dute hitzordua, eta herritar guztiak deitu dituzte parte hartzera, autodefentsa feministaren aldeko hautua berrestearekin batera.
Mirentxu Arregi irundarra hil zuen herenegun haren semeak. Ospitalera eraman zuten emakumea, eta bertan hil zen. Semea, erasoa egin eta berehala atxilotu zuen ertzaintzak, eta gaur bertan Martutenen espetxeratzeko agindua eman du epaileak. Arregi aurten indarkeria matxistak Euskal Herrian eraildako bigarren emakumea da.
Duela hilabete 84 urteko ama hil zuen 63 urteko gizon batek Barakaldon (Bizkaia).
Joan den azaroaren 30ean, berriz, Leonor hil zuen Pasaian haren bikotekide oihak. Hiru hileko epean Oarso Bidasoan gizonek bi emakume hil dituzte; 2003tik hona, 127 emakume hil ditu indarkeria matxistak Euskal Herrian.
