Pilota egokituko txapelketak Agustina Otaola pilotalekuan hartuko du lur
Errenteria-Oreretako jardunaldia bi saiotan banatuko da. Goizekoa 10:00etan hasi eta 14:00etan bukatuko da; arratsaldekoa 15:30etik 19:00etara egingo dute.
Pilota egokituko partida baten artxiboko irudia. Gipuzkoako Pilota Egokituko Txapelketaren egoitza izango da Agustina Otaola pilotalekua datorren larunbatean. Gipuzkoako Euskal Pilota Federazioak eta Kirol Egokituaren Federazioak antolatzen dute txapelketa, Errenteriako Udalaren laguntzarekin.
Pasa den larunbatean hasi zen txapelketa Zarauzko Aritzbatalde pilotalekuan eta bi kategoriatan ari dira lehian kirolariak horren barruan: adimen urritasuna duten kirolariak batetik, eta urritasun fisikoa dutenak bestetik. Denera 34 kirolari ari dira, Donostiako Kemen, Zarautz Kirol Elkartea, Zumaia PE eta Errenteria-Oreretako Mindara klubekoak.
Txapelketak, berriz, sei jardunaldi izango ditu denera; horietako bat da larunbatean errenteria-Oreretan jokatuko dutena. Finalak, berriz, bi izango dira. Martxoaren 15ean Asteasun adimen Urritasunaren Banakako Txapelketaren finala jokatuko dute, eta binakako finalak maiatzaren 10ean, Oiartzunen.
Larunbateko Agustina Otaola kiroldegiko jardunaldia bitan banatu dute. goizeko saioa, 10:00etatik 14::00etara izango da; arratsaldekoa, 15:00etatik 19:00etara. Sarrera doakoa izango da, eta udalak herritar gutziak deitu ditu pilotalekura gerturatu daitezen kirolariei babesa ematera.
