Zaborra San Pedroko kaian: "Nazkagarria da hau. Desfasea"
Sanpedrotar batek kexa mezua bidali du HITZAra. Izan ere, kaialdean arrantzale asko izaten dira, eta sortzen duten zaborra ez dute jasotzen.
Zaborra, San Pedroko kaian.Irakule batek bidalitakoa. San Pedroko bizilagun batek kexa bidali du HITZAra. Hark esandakoaren arabera, San Pedroko kaialdean duela aste batzuetatik hona bertan kontrolik gabe zabor asko ari dira botatzen. “Zaborrez beteta dago San Pedro duela bi hilabetetik hona. Zaborrez, eta arrantzalez beteta”. Hala, kexa helarazi duen sanpedrotarraren arabera, San Pedrora arrantza egitera doazenak biderkatu egin dira azken asteetan, eta haiek zabor asko sortu, eta lurrean botata uzten dute, “zikinkeria dago toki guztietan, plastikoak, latak, kotxeak toki guztietatik, herriko jendeak ezin du aparkatu…”. Asper-asper eginda bidali du mezua HITZAra.
“Nazkagarria da hau. Desfasea”, azaldu du kezkati sanpedrotarrak. Fokua hara arrantzara doazenetan jarri du, asko hazi delako arrain ehizara doazenen kopurua azken asteetan, eta antza, ez dira inolako begirunerik izaten ari garbiketarekin, beraz, sanpedrotarrekin.
Irakurleak HITZAra bidalitako beste argazki bat.
