Kirol arloko diru laguntzak eskatzeko epea zabalik du udalak
Ohiko zein aparteko jardueretarako eskatu daiteke diru laguntza hori. Eskola kirolean ari diren haurren familientzat ere bada diru lerro bat zabalik.
Kirol jardueretarako diru laguntzak eskatzeko epea zabaldu du udalak, ohiko jardueretarako. Halaber laguntza lerro bat ere zabaldu du Errenteria-Oreretan eskola kirola egiten duten haurren familientzat. Hala, 2024ko urria eta 2025eko ekainaren 30era arte egindako denboraldia eta jarduerei begirakoa da, beti ere oinarrikzo errenta edo larialdirako laguntza jasotzen duten familiei begira.
Diru laguntzak eskatzeko epea martxoaren 10ean bukatuko da familiek egindako eskaeretarako, eta abuztuaren 31n, elkarte federatu eta banakako kirolarien jardueretarako. Diru laguntzen gaineko informazio guztia, hemen klik eginda kontsulta daiteke.
Iaz 305.000 euro bideratu zituen udalak kirola sustatzeko jardueretara. 20 klub eta kirolarik egindako eskaerak onartu, eta bost klubekin diru laguntza nominatiboa emateko hitzarmena egin du.
